அடை மழை தொடர்கிறது

அடை மழை தொடர்கிறது......

மிக்சரில் கலந்த வேர்கடலை
முந்திரி தேடிப் பிரித்த பின்னும்
அடை மழை தொடர்கிறது

அடுத்து என்னைத் தேடு
என்கிறது வறுத்த பொட்டுக்கடலை
அடை மழை தொடர்கிறது

வரிசையில் காத்திருக்குத் தேட வறுத்த
அவல் கார பூந்தி சற்று பெரிய ஓமப்பொடி
அடை மழை தொடர்கிறது

எல்லாம் தேடிய முடிவில் துகள்கள்
சற்று இனிப்பும் உப்பும் காரமாக
அடை மழை தொடர்கிறது

ஒன்றாய் இருந்ததைப் பிரித்துச்
சுவைத்தாகி விட்டது தனித்தனியாய்
அடை மழை தொடர்கிறது

எல்லாம் தேடிப் பிரித்த பின்
எதைத் தேடி அசைபோடுவது
அடை மழை தொடர்கிறது

--- முரளி