நாற்பது தாண்டிவிட்டால்

நாற்பது தாண்டிவிட்டால்
நரம்புகளில் நாட்டியம்
நரை முடிகள் தலை முழுதும்
களவு கொள்ளும் கேவலம்


வைத்த பொருள் வைத்த இடம்
மறந்துவிடும் மாயம்
முன் தைத்த உடை இடை வழியே
வழுகி விழும் அபாயம்

பள்ளியறை பரபரப்பு
அடங்கிவிடும் மயானம்
துள்ளி எழ நாடுவதோ
கொல்லி மலை லேகியம்

சர்க்கரையின் சந்ததிகள்
செல் முழுதும் பத்தியம்
ருசித்த பண்டம் ரசிக்க மட்டும்
வாழ்வே வெறும் சூனியம்

எழுதியவர் : கீதமன் (31-Dec-15, 4:29 pm)
பார்வை : 77

மேலே