எண்ணத்தில் துளிர்த்தவை - 3
உயிரில்லா உருவத்தை வைத்து
உயிருள்ள மனிதர்கள்
இழுப்பது பக்தர்களின் இதயத்
தேரோட்டம் ....!
பசிக்கு பிரியாணி பொட்டலம்
கைகழுவ சாராயம்
தேர்தல் நேரத்தில் நடக்கும்
தேரோட்டம் ... !
-----------------------------------
அள்ளி வீசிடும் வாக்குறுதிகள்
மனதை மயக்கினாலும்
மறந்திடும் மக்களால் கட்சிக்கு
தேரோட்டம் .... !
வீதிகளில் நடந்திடா தலைவர்
வீதிஉலா வருவது
காணும் தொண்டர் மனதில்
தேரோட்டம் ...!
--------------------------------------
தமிழே அறியாத நடிகைகள்
தமிழ் திரைவானில்
புகழுடன் பறப்பது திரையுலக
தேரோட்டம் ...!
லஞ்சம் தந்திட முந்திடும்
நெஞ்சங்கள் உள்ளவரை
வாங்கிடும் எவருக்கும் என்றும்
தேரோட்டம் ...!
-------------------------------
பழனி குமார்
03.01.2016
