இரத்த வாடை

தோல் பையில் இருந்த
இரத்த வாடை உயர் தர
காலணியிலும் வர தயக்கம் காட்டவில்லை !

விலங்குகளின் இரத்ததை விட
சற்றே வித்தியாசமாய்
இந்த வாடை ! இரத்த நெடியும்
நொடிக்கு நொடி இன்னும் அதிகமாய் வருகிறதே
உங்களுக்கு வர வில்லையா ?

அடிமைகளின் ரத்தமும்
நசுக்க பட்டோரின் ரத்தமும்
அடிடாஸ் நிக்கே பாதாகை பொறித்த
தோல் பைகளிலும் காலணியிலும்
இன்னும் உறைந்த நிலையிலேயே இருக்கலாம்
ஆப்ரிக்க அடிமைகளின் இரத்தம் அல்லவா

வாடை வந்தால் நினைத்து பார்க்கவும்
அவர்களின் காலணி
படாத பாதங்கள் காலணி ஆதிக்கத்தில்
உங்கள் கால்களுகாய் இரத்தம் சிந்தியதையும் !