நிறுத்தனும் எல்லாத்தையும், நிறுத்தனும் - - நா கார்த்திகேயன்
"நிறுத்தனும் எல்லாத்தையும், நிறுத்தனும்"
-
கீழே இடம் பெற்றவைகளை???
-
1.நடிகனுக்கு பூசை செய்வதையும், கொடி பிடிப்பதையும் நிறுத்த வேண்டும்.
-
2.யோசிக்காமல் அறியாமையால், இலவசத்திற்காக மட்டும் ஓட்டு போடுவதை நிறுத்த வேண்டும்.
-
3.எதற்காக இதை படிக்கிறோம் என்று தெரியாமலேயே உயர் கல்வி கற்பதை நிறுத்த வேண்டும்.
-
4.நம் வசதிகளுக்காக,நம் தேவைகள் சுலபமாக நிறைவேற அரசாங்க அலுவலங்களில் ஐந்து, பத்து கொடுப்பதை நிறுத்த வேண்டும்.
-
5.படிப்பறிவு இல்லாதவர்களிடமும், இயலாதவர்களிடமும் நம் புலமையையும், வீரத்தையும் காட்டுவதை நிறுத்த வேண்டும்.
-
6.கேள்வி கேட்க வேண்டிய இடங்களில் கேட்காமல் இருப்பதை நிறுத்த வேண்டும்.
-
7.தாய் மொழி பேசுவது வெட்கம் என்றும், அடிப்படைக் கல்வியை தாய்மொழியில் கற்பது பயனற்றது என்றும் நினைப்பதை நிறுத்த வேண்டும்.
-
8.டாஸ்மார்க்கின் வருமானத்தை கோடிக்கணக்கில் உயர்த்துவதை நிறுத்த வேண்டும்.
-
9.பெண்களை வழலை, சீப்பு ,முகசாய விளம்பரங்களுக்கு பயன்படுத்துவதை, சிகப்பு தான் அழகான நிறம் என்ற முட்டாள் தனமான விளம்பரங்களை மக்களிடம் திணிப்பதை நிறுத்த வேண்டும்.
-
10.காதலுக்கு முதலில் முக்கியம் தனிமனித ஒழுக்கம். காசை தண்ணீராய் செலவழித்து காதலிப்பதை நிறுத்த வேண்டும்.
-
11.ஆணாதிக்கம், பெண்ணடிமை, பெண்ணுரிமை போன்ற வார்த்தைகளின் புரிதல் இல்லாமல் தொட்ட தொண்ணூறுக்கும் அவைகளை பயன்படுத்துவதை நிறுத்த வேண்டும்.
-
12.ஆன்மிகத்தின் அர்த்தம் அறியாமல் அதை ஆயுதம் ஆக்குவதை நிறுத்த வேண்டும்.
-
13.கலாச்சார காவலர்கள் என்று பேர் வைத்துக் கொண்டு கலாச்சாரத்தை பாதுகாப்பது போலவே சீரழிப்பதை நிறுத்த வேண்டும்.
-
14. திரைபடங்களால் வாழ்க்கை பாதிக்க படாமல் இருக்க , முக்கியமாய் "முகநூலால் " சுய முன்னேற்றம் முடங்காமல் இருக்க, எதற்குமே அடிமை ஆவதை நிறுத்த வேண்டும்.
-
-
♥"அவனை நிறுத்த சொல்லு , நான் நிறுத்தறன்னு " சொல்லாம, நாம மாறினா இங்கு நிறையவே மாறும்.♥
========================
நன்றி: நா கார்த்திகேயன் - முகநூல் தமிழ்ப் பணி மன்றம்
==============================================
பிடித்திருந்தால் பகிர்ந்தளியுங்கள்
