உவராசு, உவராசுக் கண்ணா

டேய் உவராசு, உவராசுக் கண்ணா!
@
யாரத் தாத்தா கூப்பிடறீங்க?
@

யாரக் கூப்பிடுவேன்? எம் பேரனத் தான்.
@
உங்க பேரன்....... அவம் பேரு யுவராஜ் தாத்தா.
@
அட போடா. அந்த இந்திப் பேருங்கெல்லாம் என்னோட வாயில நொழையாது. ஏந்தா நம்ம சனங்க பிள்ளைகங்களுக்கு இந்திப் பேர வைக்கறாங்களோ? படிச்சவங்களே இது மாதிரி செய்யறங்கா. எம் பையன் மணிவேலும் டாக்டருக்குப் படிச்சவம் தா. அவனும் சினிமா மோகத்திலே என் அழகு பேரனுக்கு உவராசு-ன்னு பேரு வச்சிருக்கானே. படிச்ச பைத்தியக்காரன். ஆமாம் உவராசு -ன்னா என்ன அர்த்தண்டா?
@
தாத்தா இந்திலெ யுவராஜ் -ன்னா இளவரசன் -னு அர்த்தம்.
@
அடடா. இளரசங்கறது எவ்வளவு அருமையான தமிழ்ப் பேரு. அந்த உவராசுங்கற இந்திப் பேர வச்சதுக்கு இளவரசங்கற அழகான தமிழ்ப் பேரையே வச்சிருக்கலாமே. நா பெத்த மகன் பெரிய டாக்டர் பட்டம் வாங்கினவன். சிறுநீரக சிறப்பு டாக்டராம். அரசாங்கம் நடத்தற கல்லூரிலேயே படிச்சிட்டு, அரசாங்க வேலைல இருந்துட்டு மக்களோட வரிப் பணத்திலெ சம்பளம் வாங்கறதோட தனியா கிளினிக் வச்சு லட்சம் லட்சமா சம்பாதிக்கறான். தமிழ் நாட்டிலெ இருந்துட்டு தமிழில பேசிட்டு, தமிழ் மக்களிடம் பணம் சம்பாதிக்கற எம் மவனுக்கு கொஞ்சங்கூட தமிழ்ப் பற்று இல்லையே. என்னத்தச் சொல்ல? இந்த சினிமாக்காரங்களால பட்டிக்காடெல்லாங்கூடக் கெட்டுப் போச்சு. அங்கே ஆடு மாடு மேய்க்கற பையனுக்கெல்லாம் சத்தீச்சு, ரத்தீச்சு, ராசேசு-ன்னெல்லாம் பேரு வச்சிருக்காங்க. படிச்சவங்களே சினிமா ரசிகர்களா இருக்கறபோது, பாமர மக்களைக் கொற சொல்லவா முடியும். எல்லாம் சினிமா செயல்ன்னு தான் சொல்லணும்பா.

@@@@@@@@@@@@@@@@
சிரிக்க அல்ல. சிந்திக்க. மொழிப் பற்றை வளர்க்க, பிற மொழிப் பெயர் அறிய.