பேருந்து நிறுத்தம்
இதற்குப்பெயர் பேருந்து நிறுத்தமாம்
இங்கு பெரும்பாலும் நிற்பதென்னவோ
பயணிகள் தான் !
நிற்கும் பயணிகளிடம் பழங்களை
விற்கும் வியாபாரிகளும்
பேருந்துக்காக நிற்போரிடம்
அவ்வப்போது சவாரி கேட்டுச் செல்லும்
ஆட்டோ ஓட்டுனர்களும்
தத்தம் வழித்தட எண்களை
எதிர்நோக்கும் கண்களும்
நிற்கும் பெண்களிடம்
தம் விழித்தடம் பதித்திடும்
சில ஆண்களுமாய்
பேருந்து நிறுத்தம்
பெயரில் வேண்டும்
திருத்தம்.
