இசைக்குயிலுக்கு அஞ்சலி
இசைக்குயிலுக்கு அஞ்சலி
அகிலம் முழுவதையும் ஆட்கொண்ட அந்தக்குரல்
ஆதவன் மறைந்த பின்னும் அரங்கத்தில் ஒலிக்கும் அந்தக்குரல்
இசைக்குயில் என்று புகழ்பெற்ற அந்தக்குரல்
ஈசன் அருளால் எங்கும் நிறைந்த அந்தக்குரல்
உயிரினில் உணர்வினில் கலந்திட்ட அந்தக்குரல்
ஊமையாக்கி நம்மை உருக்கும் அந்தக்குரல்
எண்ணில் அடங்கா மக்களை மயக்கிய அந்தக்குரல்
ஏழுமலையானின் துயில் உணர்த்தும் அந்தக்குரல்
ஐநா சபையில் ஒலித்து சரித்திரம் படைத்த அந்தக்குரல்
ஒலிக்கும் எத்திசையிலும் மனதை கொள்ளை கொண்ட அந்தக்குரல்
ஓய்வின்றி ஒலித்ததினால் ஓசையின்றி போனதோ
ஔஷதமும் பயனில்லாமல் ஆனதோ
காற்றினில் வரும் கீதமாக என்றும் அந்தக்குரல் ஒலிக்க
நம்மனதில் ஒன்றிவிட்ட எம்மஸ் அம்மாவின் நூற்றாண்டில்
நம் அஞ்சலியை செலுத்திடுவோம்
