முத்த யுத்தம்

முத்த யுத்தம்
💋💋💋 💋💋💋

இங்கே
இதழே ஆயுதம்
இரவே போர்க் களம்
மெத்தைக் காட்டில் சண்டையிட்டு
முழுதாய் நாமும் தோற்போம்
சிந்திய முத்தங்கள் சேர்த்துக் கோர்த்து
தினமொரு கவியாய் வார்ப்போம்

இங்கே
இதழே எழுதுகோல்
இதழே காகிதம்
இருவரும் எழுதுவோம் ஒரு சத்(ந்)தக் கவிதை

இங்கே
இதழே பசிதான் இதழே ருசிதான்
இதழின் பசிக்கு இலை போடுவோம்
இதழையே இங்கே பறிமாறுவோம்

இங்கே
இதழே வீணை இதழே விரல்கள்
இதழ்கள் நான்கும் மீட்டுவோம்
இருவரும் முத்த ராகம் பாடிடுவோம்

இங்கே
இதழே யாசிக்கும் இதழே வள்ளலாகும்
இருவரும் இங்கே யாசிப்போம்
இருப்பதெல்லாம் அள்ளிக் கொடுத்து
இந்த இரவை நாமும் பூசிப்போம்