காக்கைக்கு சோறு போடும் உன் ஆலாபனை
நிமிடத்தை அடித்தோட்டினேன்
முந்தைய நொடியிலேயே
தொடங்கிவிட்டிருந்தது அடுத்த நொடி...
*****
அவன் வீதியை
அறுத்தெடுத்துப் போகிறாள்
பக்கத்தூருக்கு வாக்கப்பட்டவள்
*****
முலை சப்பிப் போட்ட பிறகு
பனை மரத்தினுச்சியில்
பிணமொன்று முளைக்கிறது
*****
எல்லாம் தெரிந்தவன் மயிரில்
தொடைச்சந்தும் அக்குளும் புறவழி
கோஷங்களாகின்றன....
*****
ஊறுகாய் சுவைக்கும் உன்முகம்
வாய்த்திருக்கிறது
ஒவ்வொரு பந்திக்கும்...
*****
காக்கைக்கு சோறு போடும்
உன் ஆலாபனைக்கு பாடு பொருளாய்
எப்படியும் ஆகி விடுகிறது
தொடுவானத்தில் தினமொரு
பொன்னிற ஆலிங்கனம்....
*****
கவிஜி
