ஜல்லிக்கட்டு
ஜல்லிக்கட்டு
அடலேறு தழுவி
காதலியின் கரம்பற்றுவதும் - இல்லையேல்
மடலேறு தழுவி - தன்
மனதை விண்டுரைப்பதும் - அன்றைய
இளங்காளைகளின்
அறம் சார்ந்த காதல்
காதல் தோல்வியால்
மரணத்தைத் தழுவுவதும் - அல்லது
மரணத்தைத் தழுவ வைப்பதும் - இன்றைய
மறம் சார்ந்த காதல்
ஜல்லிக்கட்டுக்காக
மல்லுக் கட்டிய - நம்
காளைகளின் எழுச்சியால் - நமது
பாரம்பரிய விளையாட்டை
மீட்டெடுத்தோம் - அதுபோல
‘செம்புலப்பெயல்’ நீரென அமைந்த - நம்
பாரம்பரியம் மிக்கப்
பழங் காதலையும் மீட்பார்களா - நம்
காளைகள்?!
மாங்குடி பாலா
