நண்பா
திருமலை மூர்த்தி!
என் வாழ்க்கைப் பயணத்தில்
உறவு கொண்டு வந்த
ஒரே மனிதன்..
நீ
என் சகாராப் பாதையில்
நைல் நதி!
வசந்த காற்றை
என் வாசலுக்கு
அழைத்து வந்தவன்!
என் கோடை காலத்தின்
குளிர் நிலவு!
என் இருண்ட காலங்களில்
கிழக்கு வானம்!
என்
பொட்டல் வெளியில்
போதி மரம்!
என் அழுத விழிகளை
பழுது பார்த்தவன்!
துவண்டு கிடந்த என்னை
தூக்கி நிறுத்தியவன்!
என் வாசலுக்கு
தெரியாமல் வந்துவிட்ட
அதிர்ஷ்ட தேவதை
கேட்காமல்
கொடுத்த வரம்!
நன்றி நண்பா
உன் நட்புக்கு
கைமாறு செய்ய
நான் என்ன செய்ய?
