கம்பன் காதலி
தமிழுக்கு களமாடிய கணத்தில்
தமிழால் களவாடிய கள்ளியவள்,
கண்ணிலவள் காட்சி கண்டதுமுதல்
கன்னியவள்மீது காதல் கொண்டேன்,
கண்டதும் காதலென்பது கனவென்று
காலத்தின் கடலில் கப்பலானேன்,
புலனத்திலவள் புதுநிலை பார்க்கும்போதெல்லாம்
புத்தியில் புதிதுபுதிதாய் பூகம்பம்கொள்ளும்,
பலவற்றை பாவையுடன் பகிர்ந்தால்
பழகுதல் பறிக்கப்படுமென்று பயம்கொள்கிறேன்,
இறகாய் இருக்கவேண்டிய இதயம்
இறகுபந்தாய் இடறி இடமாறுகிறது,
நீலகண்டரின் நஞ்சாய் நங்கையவள்
நினைவு நெஞ்சில் நீள்கிறது,
கனத்த நெஞ்சோடு காத்திருக்கிறான்
கம்பன் கன்னியவள் காதலுரைப்பாளென.
