2 கடவுளை வேண்டல் - உலகம் யாவையும் உள்ளன வாக்கலும் - பூர்வி கல்யாணி

'மாசில் வீணையும்' என்ற மெட்டு

பண் - பூர்வி கல்யாணி
தாளம் - முன்னை

1
உலகம் யாவையும் உள்ளன வாக்கலும்
நிலைநி றுத்தலும் நீக்கலும் நீங்கலா
அலகி லாவிளை யாட்டுடை யாய்தனித்
தலைவா உன்திருத் தாளில்எம் தலையே.

2
மருளுறும் இந்த மாநிலம் யாங்களே
தெருளுறும் வண்ணம் தீந்தமிழ்ப் பாணியால்
பொருளுறும் உன்றன் புகழேபு ரிந்தனம்
அருளுவாய் இன்றே அறமுது கடலே.

3
குலமொன் றாகியே கோவேஎம் தந்தையே
உலக ஆட்சியும் ஒன்றாக வோங்கியெம்
புலமை யன்பினாற் போரெது மின்றியே
நலமாய் வாழ்ந்திட நன்மதி யருளே.

- மொழிஞாயிறு தேவநேயப் பாவாணர்