தனிமை

அறியாத அரிமாக்கள் மத்தியில் – இருக்கும்
அவளின் தனிமையை காட்டிலும்
தெரியாத தேவதைகள் மத்தியில் – இருக்கும்
அவனின் தனிமை கொடுமையானது
பிடித்தவர்கள் மத்தியில் பரிசாய் பெரும்
வேண்டாத தனிமை சாபம்
பக்குவமாய் புரிந்து நாமாக மனதார
ஏற்கும் தனிமை வரம்
முகஸ்துதி பாடும் முகமூடிகள் மத்தியில்
தேவைப்படும் தனிமை சொர்கம்
உதிரத்தை உணவாக்கி உயர்த்திய – அன்னை
பிரிவின் தனிமை நரகம்
அன்பு அரவணைப்பு அறம் தந்த – அப்பா
பிரிவின் தனிமை பாடம்
இடைவெளியின்றி இணைந்த கைகள் – பிரிந்தபின்
வாழ்வின் தனிமை வெறுமை
தனித்தே பிறந்து தனித்தே இறக்கும்
அற்ப வாழ்வில் தன்னிலை உணர்த்தும்
இந்தத் தனிமை என்றுமே பெருமை