இவள் தேவதை
காகங்கள் கரைகின்றன
-----காற்றோடு கலந்து வரும்
காலை நேர பூபாளம் இதுதான் !
கதிர்கள் விரிகின்றன
------கீழ் வானம் சிவக்கிறது
காலை நேர ஓவியம் இதுதான் !
மலர்கள் மலர்கின்றன
-------சிரிக்கிறது மலர்த்தோட்டம்
காலை நேர காணொளிக் காட்சி இதுதான் !
வார்த்தைகள் விரிகின்றன
-------வரிகள் தொடர்கின்றன
காலை நேரக் கவிதை இதுதான் !
நீராடிய கூந்தல் காற்றில் கவிபாட
-------பூப் பறிக்க வருகிறாள் தோழி
காலை நேர தேவதை இவள்தான் !
-----கவின் சாரலன்