செம்மொழி
செம்மொழி
பஃறுளி ஆற்றங்கரையில் சரித்திரம்
படைத்திடப் பிறந்திட்டாய் !
பாண்டியர் தொன்மதுரையில்
பாதம் பட தவழ்ந்திட்டாய் !
நன்நூல் தொல்காப்பிய மாலைகளை
நன்முறையில் அணிந்திட்டாய் !
நானிலம் போற்றிட
நல்வாழ்வு வாழ்ந்திட்டாய் !
புலவர்களின் கவிமாமழையில்
புத்துணர்ச்சியோடு நனைந்திட்டாய் !
புவியெங்கும் செந்தமிழ்
பூ மணம் கமழ செய்திட்டாய் !
இலக்கிய இதிகாசக் கனிகளை
இன்பமுடன் சுவைத்திட்டாய் !
இளமை மாறாமல்
இப்புவியில் வாழ்ந்திட்டாய் !
வாழ்க! எம் தமிழே !
வளர்க! எம் செந்தமிழே!
-பாரியூர் தமிழ்க்கிளவி
