காதல் காயம்
தயக்கம்
**************
நேற்றுவரை என்னிடம் தயக்கம் இல்லாமல்
யோசிக்காமல் பேசியவள் ...
இன்று ஒரு வார்த்தை பேசுவதற்கும்
யோசித்து யோசித்து ... தயங்கித் தயங்கி தான் பேசுகிறாள் ..
நான் சொன்ன ஒரு வார்த்தையால் ...
சொல்லாமலேயே இருந்திருக்கலாம்
"நான் உன்னை காதலிக்கிறேன்" என்று..
வெற்றி என்ன ..? தோல்வி என்ன...?
******************************************************
காதலுக்காக மட்டுமே
கவிதை எழுத வேண்டும் என்று நினைத்த என்னை
காதல் தோல்விக்கும் கவிதை எழுத செய்கிறாய் ...
சரி விடு .. வெற்றி என்ன..? தோல்வி என்ன..?
இதுவும் நம் காதலுக்கு (.. மன்னிக்கவும்..)...
இதுவும் என் காதலுக்காகத் தானே ... ! ! !
ஏன் இந்த வேதனை
******************************
ஒரு வேலை... நான்..
உன் காதலை புறக்கணித்து விட்டு
உன்னையே எனக்கு ஒரு வரன் பார்த்து
முடிவு செய்ய சொல்லி இருந்தால் ...
என்னடி செய்திருப்பாய்..?
எனக்கு மட்டும் ஏன் இந்த வேதனை...?
