ஹைக்கூ கவிஞர் இரா இரவி

ஹைக்கூ ! கவிஞர் இரா .இரவி !

தங்கம் விலை ஏற ஏற
தள்ளிப் போகின்றன
ஏழைகளின் திருமணம் !

தங்கம் விலை ஏற ஏற
பெருகி வருகின்றன
கொள்ளை கொலை !

பெட்ரோல் விலை ஏற ஏற
ஏறுகின்றன
பொருட்களின் விலை !

அமருவதில்லை
பறவைகள்
பட்ட மரங்களில் !

புறம் பேசுபவர்களை
புறம் தள்ளுங்கள்
முன்னேறலாம் !

கொடுக்காதீர்கள்
காதை
பொறாமைக்காரர்களிடம் !

படுத்தகோலம் பார்த்தவர்களே
நின்ற கோலமும் பார்ப்பதால்
கஞ்சியானது காஞ்சி !

விரலில் மை வையுங்கள்
ஒருவர் ஒரு முறை
பார்க்கட்டும் !

கூட்டம் கூட்டம் கூட்டம்
கட்டுக்கதைக் கேட்டு
கூடுது கூட்டம் !