புத்தரின் புன்னகை கவிஞர் இரா இரவி
புத்தரின் புன்னகை ! கவிஞர் இரா .இரவி !
புத்தரின் புன்னகை வெளியே தெரிவதில்லை
போதித்த போதனை பின்பற்றாத மக்கள் !
ஆசையே அழிவிற்கு காரணம் என்றேன்
ஆசை பிடித்து அலைகின்றனர் பக்தர்கள் !
பெரிய பெரிய சிலை நான் விரும்பவில்லை
பெரிதாக சிலை வைத்து எந்த பயனுமில்லை !
என்னை வணங்குவதை விடுத்து நீங்கள்
என்னை பின்பிற்றினால் மனம் மகிழ்வேன் !
எளிமையை விரும்புபவன் நான் என்னை
ஏனோ பிரமாண்டப் படுத்துகின்றனர் !
மூடநம்பிக்கைகளை முற்றாக வெறுத்தவன் நான்
மூடநம்பிக்கை என் பெயரிலும் நடத்துகின்றனர் !
எல்லா உயிர்களிடத்தும் அன்பு செய் என்றேன்
எல்லா உயிர்களிடத்தும் வம்பு செய்கின்றனர் !
சக மனிதனை அன்புடன் நேசிக்கச் சொன்னேன்
சக மனிதனை பாவிகள் கொன்று குவித்தனர் !
