ஹைக்கூ கவிஞர் இரா இரவி

ஹைக்கூ ! கவிஞர் இரா .இரவி !

ரசிப்பதில்லை
பசித்தவன்
நிலவை !

மனிதன் கொலை
மாட்டின் பெயரால்
திரும்பியது கற்காலம் !

கட்டாயப்படுத்துகையில்
கசக்கிறது
இந்தி !

ஆங்கிலம் அறிந்தவன்
அறிவாளி என்பது
அறிவீனம் !

தலைவர்களை மட்டுமல்ல
தலைவர்களின் சிலை காப்பதிலும்
தலைவலி காவலர்களுக்கு !

வெள்ளையரை விரும்பாதவர்கள்
தலையில் கூட
இந்தியர்கள் !

அமோக விற்பனை
இந்தியாவில்
தலை மை !

விழுவது இயல்பு
வீழ்ந்தே கிடப்பது
இழுக்கு !

தோட்டம் அழித்துக் கட்டிய
வீட்டின் பெயரோ
தோட்டம் !

அழகில்லை என்றபோதும்
குரலோ இனிமை
குயில் !

திசைகள் இல்லை
நிற்கும்
சூரியனுக்கு !

உதிக்கவுமில்லை
மறையவுமில்லை
சூரியன் !

காட்சிப்பிழை
சுற்றுவது தெரியவில்லை
சுற்றும் பூமி !

சொந்த ஒளியன்று
சூரியனின் இரவல் ஒளி
நிலவொளி !

எழுதியவர் : கவிஞர் இரா .இரவி (9-Oct-19, 10:01 am)
சேர்த்தது : கவிஞர் இரா இரவி
பார்வை : 61

மேலே