வஞ்சிக் கொடி
வஞ்சிக் கொடியே-உன்
கெஞ்சும் விழி காண
மஞ்ச மாலையிலே-நான்
காத்திருக்கேன் சோலையிலே!
இஞ்சி இடுப்பழகே-உன்
கொஞ்சும் மொழி கேட்க
தஞ்சமென வந்துவிட்டேன்-நீ
வரும் வழிய பாத்திருக்கேன்!
மஞ்சத் தாலி ஒன்ணு
செஞ்சு வச்சிருக்கேன்
அஞ்சாமல் வந்துவிடு- உன்
அன்பை எனக்குத் தந்துவிடு!
வஞ்சம் இல்லை என் நேசத்துக்கு
பஞ்சம் இல்லை என் பாசத்துக்கு
கொஞ்சி களித்திடவே
காத்திருக்கேன் ஆருயிரே!
