போலி முகம்
ஒவ்வொருவரிற்குள்ளும்
ஓராயிரம் முகம்..!
வெளிப்படையான உண்மை முகம்..!
வெளிக்காட்டாத போலி முகம்..!
மனதினில் ஒரு முகம் ....!
மக்கள் மத்தியில் மறுமுகம் ...!
வீட்டுக்குள்ளே ஒரு முகம்..!
நாட்டுக்காக மறுமுகம் ...!
காதலுக்காக ஒரு முகம் ...!
காமத்திற்காக ஒரு முகம் ...!
நட்பிற்காக ஒரு முகம்...!
நடிப்பிற்காக ஒரு முகம் ...!
குடும்பத்திற்காக ஒரு முகம் ...!
குள்ளநரித்தனத்திற்காக ஒரு முகம் ...!
உறவிற்காக ஒரு முகம்...!
உணர்வுகளை மறைத்து ஒரு முகம் ...!
தேனாய் பேசிடும் ஒரு முகம் ..!
தேவைக்காக பேசிடும் ஒரு முகம் ...!
கூடி வாழ ஒரு முகம் ...!
கூட இருந்து குழி பறிக்க ஒரு முகம் ..!
உண்மை முகத்தின் தேடலில்
தொலைந்து போகிறோம் நாமும்...!
அடுத்தவர் பார்வையில் கூட
இதே நிலை தான் நமக்கும் ...!
உண்மையாய் இருப்போம் போலிகளை விட்டெறிந்து....
