மழையோடும் மனதில்
________________
வெளிச்சத்தில் தன்னை
உதறியது சிறு மழை.
அறையெங்கும் மூண்டு
மடித்து போர்த்தியது வெப்பம்.
தொலைவில் யாரோ
யாருடனோ பேசுகிறார்கள்.
நினைவை இழக்கும் வரை
குடிக்க நினைத்தேன்.
ஒற்றை குருவியொன்று
ஈரத்தின் தடங்களை என்
மனதெங்கும் போட்டு
க்றீச்சென்று கடந்து போனது.
தென்னை மரம் நனைவது
குறித்து யோசிக்கவில்லை.
இந்த நாளில் எனக்கு
இனி எதுவுமில்லை.
அப்படித்தான் இருக்கும்
அவளுக்கும்...
___________________
