எழுந்து வா இளைய தலைமுறையே
தோல்விகளை கண்டு துவண்டுவிடாதீர்கள் -
எழுந்து வாருங்கள் மாணவர்களே !
எல்லாம் சிலகாலம்தான் -எதுவும் நிரந்தரம் அல்ல
தோல்விகளை தாண்டித்தான் சாதனைகள் !
இழந்ததை எல்லாம் மீட்டு விடலாம்
இமயத்தையும் கூட எளிதாய் கடந்துவிடலாம் !
கடுமையான பாதைகளில்தான்
காலம் புதையல்களை புதைத்து வைத்திருக்கிறது !
முயற்சியும் பயிற்சியும் முடியும் என்கிற எண்ணமும்
உங்கள் வெற்றியை எளிதாக்கும் யுக்திகள் !
எதிர்மறை எண்ணங்களை இன்றோடு விட்டுவிடுங்கள்
நேர்மறை எண்ணத்தோடு நீங்கள் முயலுங்கள் -வெற்றி நிச்சயம் !
