குழந்தையாக வேண்டும்
குழந்தை யாக வேண்டும்.
குழந்தையாகி விட்டால்!!
குறும்புகள் பல செய்திடலாம்,
குறுக்கே யாரும் வரமாட்டார்,
பார்த்தே ரசித்திடுவார்.
குழந்தையாகி விட்டால்!!
குழந்தை சிரிக்குது பார்,
குழி விழ கன்னத்தில் என,
சொல்லியே மகிழ்திடுவார்.
குழந்தையாகி விட்டால்!!
குண்டாக இருந்தாலும்,
குண்டென இகழ மாட்டார்,
தூக்கியே முத்தமிடுவார்.
குழந்தையாகி விட்டால்!!
பாட்டி மடியில் குந்தியே
குதுகலமாய் சிரித்திடுவேன்
பாட்டியும் குழந்தையாக
மாறிடுவாள்.
குழந்தையாகி விட்டால்!!
குழந்தைக் கண்ணனாகி,
குழல் ஊதி உங்களையும் குழந்தையாக்கிடுவேன்.
ஆக்கம்
சண்டியூர் பாலன்.
