சிற்றிதயம் தேடும் சிறுமனது
பருப்பொருளாய் நின்ற
என்னை
மோதிய நின் பேராற்றல்
பெருவெடிப்பாய்ச் சிதரடித்து எல்லையில்லாப்
பெருவெளியில் துரத்தியதே!
அளவறியா ஈர்ப்போடு ஆவதெல்லாம்
சேர்த்திழுக்கும் ஒளியோடு
காலமெலாம் உள்ளிழுக்கும் ஆற்றலுடன்
ஒன்றிணைந்து *நான்*இழந்த
விந்தையது
புரியலையே!
மண்ணுலகின் ஓரத்தில்
யாதொன்றும் அறியாது
முடங்கிக் கிடந்தாலும்
விரியும் விண்வெளியின் எல்லையெலாம் சுற்றிவரும்
நின் சிற்றிதயம் ஒன்றே நாடும்
ஏழை என்
சிறுமனது !
-யாதுமறியான்.
