கடுஞ்சொல் ஆதரவையும் ஒழிக்கும் - அறநெறிச்சாரம் 82

இன்னிசை வெண்பா

நம்மைப் பிறர்சொல்லும் சொல்லிவை நாம்பிறரை
எண்ணாது சொல்லும் இழுக்கிவையென் றெண்ணி
உரைகள் பரியா(து) உரைப்பாரில் யாரே.
களைகண தில்லா தவர். 82

- அறநெறிச்சாரம்

(குறிப்பு) களைகண் – ஆதரவு, பற்றுக்கோடு இல்

பொருளுரை:

நம்மைக் குறித்துப் பிறர் இவ்வாறு சொல்லவேண்டுமென்று நாம் கருதும் சொற்கள் இவை, நாம் ஆராயாது பிறரைக் குறித்து இகழ்ந்து கூறும் சொற்கள் இவை என்று ஆராய்ந்து தாம் பிறர்பால் இரங்காது கடுஞ்சொற் கூறுவராயின்,

அவரைப்போல் ஆதரவு இல்லாதவர் பிறர் யார்? ஒருவருமிலர்.