பெண்ணின் கண்ணீர்
பட்டினியில் வாடும் ஊர்
நிலைமையை அவதானிக்கும் உணவு மந்திரிக்கு
அரச செலவில் கார்
*
வளரும் அரசியல்வாதி
காலை எழுந்ததுமே சுருட்டுகிறார்
படுத்திருந்த பாய்.
*
கைதிக்கு ஆயுள் தண்டனை
அதிர்ச்சியில் உறைந்தார்
கந்து வட்டிக்காரர்.
*
வாயு தொல்லை நீங்கி
நிம்மதியாய் மூச்சு விடுகிறார்
கிடைத்துவிட்டதாம் எரிவாயு.
*
பெண்பார்க்க வந்தவர்
சிற்றுண்டி உண்டு கைகழுவியதும்
துடைக்கத் தொடங்குகிறாள்
கண்களில் நீர்.
*
வளரும் வேலையில்லாத் திண்டாட்டம்
பெருகும் வெளிநாடு செல்வோர் தொகையால்
முகவர்களுக்கே கொண்டாட்டம்.
*
மெய்யன் நடராஜ்
