மலரன்ன கண்ணாள் மதிமுகம் கண்டேன் - குறள் அந்தாதி

ஒரு விகற்ப குறள் வெண்பாக்கள்

மலரன்ன கண்ணாள் மதிமுகம் கண்டேன்
பலர்காண நாணினாள் பார்த்து! 1

பார்த்தவள் நாணப் பரிந்துநான் கூறினேன்
நேர்கொண்ட பாவையே நில்! 2

நிற்கநான் சொல்லவே நின்றவள் பார்த்தாளே
பொற்புடை நாணம் பொலிந்து! 3

பொலிந்த முகந்தனில் புன்னகை பூத்துச்
சொலிப்புடன் சொன்னாள் சுகம்! 4

சுகந்தமாம் பெண்ணவள் சொன்னாள் சொலித்து
மிகநன்றாம் காதல் மிகுந்து! 5

– வ.க.கன்னியப்பன்