இவர்
இவர்???
ஊருக்கு உபதேசம்
ஓய்வில்லாமல் செய்வார் -இவர்
பசுத்தோல் போர்த்திய புலியாய்
பாரெங்கும் திரிவார்
சாதிகள் இல்லையென்று மேடையிலே முழங்குவார் -இவர்
பாடையில் போகும்வரை சதியால்
சமத்துவத்தை உடைப்பார்
உழைப்பால் உயரவேண்டுமென
சளைக்காமல் பேசுவார் -இவர்
அடுத்தவர் உழைப்பினிலே
அசராமல் உயர்ந்திடுவார்
இனங்கண்டு இவரையெல்லாம்
ஒதுக்கி விடலாமே -அவர்
தோலுரித்து வெளி உலகம்
காட்டிடவோம் நாமே
