அவளைத் தேடி
வரமொன்று கேட்கிறேன் தந்திடு இறைவா
கரம் பிடித்து நடக்க என் காதலி வேண்டும்
கொஞ்சி விளையாடி கன்னத்தை கிள்ளி
நெஞ்சில் கட்டி அணைத்திட வேண்டும்
தலை சாய்த்து அவள் செஞ்சினில் சாய
அலை போன்ற கூந்தலை வருடிட வேண்டும்
உற்று அவள் கண்களை நோக்கி
நெற்றியை பிடித்து முத்தமிட வேண்டும்
பட்டாடை உடுத்த பேரழகி அவளை
மெட்டி அணிவித்து மனைவியாக வேண்டும்
சோலை பூப்போல் அழகிய விழிகள்
காலம் முழுவதும் ரசித்திட வேண்டும்
கைகளை தொட்டு விரல்களை பிடித்து
வைர மோதிரம் அணிவிக்க வேண்டும்
பேராசை தான் எனக்கும் தெரியும்
அழகிக்கு ஆசைப்படலாம் பேரழகிக்கு ?
