இன்று 25 ஆவது கார்கில் தியாகிகள் தினம்

சுற்றுப்புற சூழ்நிலை தூய்மைக்காக, இயற்கைக்கு செய்வது
யாகம்!
நாட்டின் எல்லையை பாதுகாக்க ராணுவ வீரர்கள் செய்வது
தியாகம்!
அண்டைநாடுகள் பாரதத்துடன்
எப்போதுமே நட்பை
வளர்க்கவில்லை!
இந்நாடுகள் செய்து வரும்
விஷமங்களை நாமும் தண்டிக்காமலில்லை!
1962ஆம் ஆண்டு சீனா,
எல்லையை ஊடுருவி இந்தியாவை தாக்கியது!
போரில், சீனாவின் வெற்றி நம் நாட்டின் ராணுவத்தை வலுவாக்கியது!
1971இல் பங்களாதேஷ் விடுதலைக்கு பாகிஸ்தானுடன் போரிட்டோம்!
அமோக வெற்றி பெற்று,
ராணுவத்தின் வலிமையை மெய்ப்பித்தோம்!
1999இல் கார்கில் போரில்
பாகிஸ்தானை மீண்டும் தோற்கவைத்தோம்!
அத்துமீறினால் தக்கபதில் கிடைக்கும் என்று சரியாக புரியவைத்தோம்!
கார்கில் போரில் நமது 527
ராணுவ வீரர்கள் உயிரைத்
தியாகம் செய்தனர்!
நம்மில் அவர்களின் தியாகச் செயலை பதித்துவிட்டு உயர்ந்தசென்றனர்!
ராணுவத்தில் சேவை புரியும் ஒவ்வொரு இந்தியனையும் வாழ்த்துவோம்!
நாட்டின் பாதுகாப்பின், முதுகெலும்பான இவ்வீரர்களை வணங்கி போற்றுவோம்!

ஜாய்ராம்