மதிவாணன் 220925

மதிவாணன்.. கல்லூரியில்
உடன் படித்தது நான்கு வருடம்..
இவருக்கு காண்போரைக்
கவரும் உருவம்.. உயரம்..

இவருக்கு அழகிய கேசம்..
இவரது விமானப்படை
பணியில் பெருமை
கொண்டது இந்திய தேசம்..

நிறைய பேர் கல்லூரி வந்து
தம்மை வளர்த்துக் கொண்ட போது
தன்னை வளர்த்துக் கொண்டே
இவர் கல்லூரி வந்தார்..
நண்பர்கள் மனங்களை வென்றார்..

இந்த சிலை தன்னை
செதுக்கிய சிற்பிகளுடன்
தானும் சேர்ந்து தன்னை
அழகாய் செதுக்கிக் கொண்டது
பிறர் விரும்பும் வண்ணம்...

மதிவாணன்.. இவர் தன்
சுறுசுறுப்பில் கான முயல்.
நடை.. பேச்சு.. செயலில்
இவர் ஒரு அழகிய புயல்..

நிறைய பேர் தினமும் கொஞ்ச
நேரம் செய்வார்கள் யோகா..
எண்ணம் பேச்சு செயலில்
இவரது மொத்த வாழ்வியலும்
ஒரு முழு நேர யோகா.. இவரது
செயல்பாடுகள் ஒருபோதும்
சோர்ந்து போகா..

மதிவாணன்.. இவரது
ஸென்ஸ் ஆப் ஹியூமர்.. சுற்றி
இருப்பவர்களுக்குத் தரும்
விட்டமின் பவர்.. பிறரை
சிரிக்க வைப்பதில் வல்லவர்..

மதிவாணன், இவருக்கு
அனைத்தையும் ஆசையுடன்
வழங்கிய பெற்றோருக்கு இவர்
சொல்ல வேண்டும் நன்றி. இவரது
கம்பீரம் கூட்ட வசீகர ஆடைகள்
வாங்கிக் கொடுத்தமைக்கு
கூற வேண்டும் கூடுதல் நன்றி.

நான் தேடுகிறேன் அந்த
ஆடைகள் தைத்த கவித்துவ
தையல்காரர் முகவரி.. அவரது
நேர்த்தியான தையலை
எழுத வேண்டும் சில வரி..

நண்பன் மதிவாணன்..
ஜாதிகள் இல்லை எனச்
சொல்லும் இவரது ஜாதி
மார்க்கண்டேயன் ஜாதி..

இவரது ஆனந்தம்.. மகிழ்ச்சி
ஒரு அணையா ஜோதி.. இனிய
பிறந்தநாள் வாழ்த்துகள்
ஜிஸிஇ'86.. இஸிஇ மதி..

அன்புடன்.. அமைப்பியல்..
ஆர். சுந்தரராஜன்.
❤️🌹😍🤝🪷