திங்களின் தீண்டல்
நாளும் பிறையாய்
வானில் வளர்ந்து
ஆபரண பேரழகாய்
தங்க தாமரையாய்
மலர்ந்து விண்ணில் விரிந்து
பொன்னொளி வீசும் முழுமதி
கண்கள் விரிந்து கண்டிருக்க - என்
கருவிழிக்குள் விழாகோலம்
இந்த இரவு சூரியனின்
குளிர் தென்றல் அவனியில்
பவனிவர என் மேனி
என்ன தவம் செய்ததோ
தித்திக்கும் திங்களே
அன்பு வெண்மதி அழகு வெண்ணிலா
பூமிக்கு வந்து ஒருமுறை
என்னை தீண்டிச் செல்வாயா
உன் தீண்டல் ஒன்றே
என் வாழ்வின் வேண்டலாகும்
