இதோ தன்னம்பிக்கை
மலர்ந்து மணம் வீசவே
மலர்கிறது மலர்கள் ...!
மடிவதற்காக மட்டுமே
மலர்வதில்லை மலர்கள் ...!
சிலந்தியும்
நம்பிக்கையுடன் இயங்குகிறது ...
கொக்கும்
ஒற்றைக்காலில் தவமிருக்கிறது ...
எறும்புகளும்
நாளைய நாட்களுக்காக
சேமிக்க உழைக்கிறது
நீ மூச்சு விடவே
உயிர் வாழ்கிறது
பசுமை மரங்கள் ...
இளைஞனே
நீ மட்டும்
உழைக்காமல்
உறங்கிக்கிடப்பதேன் ...?
விழி இளைஞனே
இல்லையேல் உன் செவிக்குள்
பாடம் நடத்திவிடும் எறும்புகள் ...
நீ ...
உறங்கிக்கிடந்தால்
சிலந்தி வலையும்
உன்னை சிறைபிடித்துவிடும் ...
நீ
எழுந்து நடந்தால்
இமயமும் உனக்கு ஏணிப்படிதான் ...!
லட்சியங்களை
நோக்கி முன்னேறு
வெற்றிப்பூக்கள்
உனக்காக பூத்துக்குலுங்கும் ...
