இன்றைக்கானது...20 08 12 .

கோவிலுக்கு வெளியே
அறியாத முகத்தோடு
அலைந்து கொண்டிருக்கலாம்....
கடவுள்.
*******************************************
சிலந்திகள்
வலை பின்னிக் கொண்டிருக்கின்றன.
இரையை இழுத்து வருகிறது
காலம்.
*************************************************
கடல்
விழுங்கிக் கொண்டிருக்கிறது
அலைகளின் பேரிரைச்சலை.
**************************************************
வீட்டிற்குள் அனுமதிக்கச் சொல்லி
மூடிய பெரும் கதவை
கோபத்துடன் முட்டிக் கொண்டிருக்கிறது
கொசு.
**********************************************************
எல்லா உயிர்களின் வழியாகவும்
கற்பிக்கப் படும் மரணம்
புரிந்துகொள்ளப் படவே இல்லை
எந்த உயிராலும்.
*********************************************************