நானும் தாய்

கனவுகளோடு காத்திருந்தேன்
என் தாய்க்கு கிடைத்த வரம்
நானும் பெற்றிட

மாதம் நிற்கவில்லை
வருடங்களும் கழிந்தன

கண் நிறைந்த கணவன்
பாசமிகு குடும்பம் - இருந்தும்
மனதின் தேடல் கிடைக்கவில்லை

எண்ணற்ற சொந்தங்கள்
என்னை சுற்றி இருந்தும் - மனம்
எதிலும் இலயிக்கவில்லை

அம்மா என்ற என் பிள்ளையின்
மழலை மொழிக்கு இடாகுமா - பிறர்
என்னை அழைக்கும் உறவு முறைகள்

தினமும் போய் வருகிறேன்
எண்ணற்ற திருத்தலங்களுக்கு

கண் திறந்தது இறைவன் மட்டும் அல்ல
இன்று நானும் தான் - அம்மா

என்று சிக்னலில் நின்று
அறைஜான் கூட இல்லாத

தன் வயிறு காட்டி
பசிக்காக அழும்
குழந்தைக்கு தாயானேன்

யார் பெற்ற பிள்ளையோ
எனக்கு பட்டம் தந்தது தாய் என்று