நல்ல நட்பு = மதி + ஹரி = மதிஹரி

அ
ன்பைத் தருவதிலே என் அன்னையை மிஞ்சினாள்
ஆ
னந்தமாய் நான் வாழ இறைவனை கெஞ்சினாள்
இ
ன்னலென நான் சொன்னால் ஏனென்று அஞ்சினாள்
ஈ
ர்க்கின்ற கவிதைகளால் தமிழதனை கொஞ்சினாள்
உ
யிர்த்தோழி நட்பதிலே சிகரத்தை விஞ்சினாள்
ஊ
க்கம் நான் தொலைத்திடின் நம்பிக்கை ஊட்டினாள்
எ
ன் நல்லாசிரியை போல் தலையிலே குட்டினாள்
ஏ
ன் தோழி எனக் கேட்க தவறை சுட்டிக் காட்டினாள்
ஐ
ம்புலனை வென்றுயர அறிவுரைகள் கூறினாள்
ஒ
ன்றுபோல் நினைத்திருக்க என் நினைவாய் மாறினாள்.....!
ஓஹோ...! என நான் மகிழ எதிர்காலம் ஆக்கினாள்
ஓள....கிரேட்...! என நான் வியக்க
உயிர்த் தோழியாக வாழ்கிறாள்........!

அது சரி.....! யார் அவள்...?!!!!
அவரை நான்.........

அ-றிவுப் பெட்டகம் என்பேன்
ஆ-ன்மாவின் நட்பு என்பேன்
இ-னிய தோழி என்பேன்
ஈ-டில்லா ஒருத்தி என்பேன்
உ-ள்ளதை சொல்பவர் என்பேன்
ஊ-னில்லா உளம் கொண்டவர் என்பேன்
எ-ன்.வளர்மதி என்பேன் ( இனிசியல் என் )
ஏ-ன் என்பார் நான் தவறிழைத்தால்...
ஐ-யம் வரும் அவர் கேள்விகளால்
ஒ-ழுங்காக என் கவிதை வரும்
ஓ-ம் என்பதாய் அவர் கருத்திருக்கும்...!
ஔ-டதமே அவர் நட்பு பகை நோய்க்கு..!
அக்-தே அவரது இயல்பம்மா....
அவர் எழுத்து டாட் காமின் சொத்தம்மா..!

( அறிவுப் பெட்டகம் என்ற வரியில் இருந்து
5 .11 .2011 அன்று என் வளர்மதி என்ற தலைப்பில் நான் எழுதிய கவிதை இது - இதற்கு வந்த சில கருத்துக்களை கீழே காண்போமா ? )
============================================
ஈஸ்வர் தனிக்காட்டுராஜா07-November-11 3:33 PM
=============================================
உயிரெழுத்தில் உயிர்கலந்து எழுதிய இந்த கவிதைக்கு எனது மனமார்ந்த பாராட்டுக்கள் , தோழி மதிக்கு இதைவிட சிறந்த பரிசு ஏதும் இல்லை எனலாம் , உங்கள் நட்பு நாளும் நிலைத்திருக்க எனது வாழ்த்துக்களையும் தெரிவித்துகொள்கிறேன்..

நட்புடன்

தனிக்காட்டுராஜா...

HARI HARA NARAYANAN.V 07-November-11 6:02 PM

மதியை பயன் படுத்தி எழுதிய கவிதை..அதில் அறிவோடு சேர்ந்த உயிரோட்டம் இருப்பதில் ஆச்சர்யப் படுவதற்கு ஒன்றும் இல்லை. உங்கள் அனைவரின் நட்பு கிடைத்தது எனது பெரும் பாக்கியம் நண்பரே..! வாழ்த்துக்கு நன்றி ! அன்புடன் ஹரி
===========================================

Dr.V.K.Kanniappan05-November-11 9:14 PM

ஹரி, அருமையான கவிதை. வளர்மதி தகுதியான பெண்மணி. வாழ்த்துக்கள்.

HARI HARA NARAYANAN.V 05-November-11 10:12 PM

டாக்டர் அவர்களே எனக்கு டாக்டர் பட்டம் பெற்றதுபோல் உங்கள் பாராட்டு. எனது தோழி மதி...சிவனையே எதிர்த்த நக்கீரர் போல... தப்புன்னா தப்புதான்... இதுதான் மதியின் ஸ்பெசல் கேரக்ட்டர்...அதுதான் இந்த கவிதையை என்னை எழுத வைத்தது..! மதி இஸ் மதி ! உங்கள் பாராட்டுக்கு நன்றி ! பணிவுடன் ஹரி
===========================================

நா.சதிஷ்குமார்05-November-11 7:52 PM

மிக்க நன்றி நண்பர் ஹரி அவர்களே....

நம் தோழிக்கு இதைவிட ஓர் கௌரவம் தரமுடியாது தோழா....

உயிர் தோழிக்கு உயிரெழுத்தில் ஓர் கவி அருமை நண்பரே அபாரம்.....

வாழ்க நீ வாழ்க உன் கவியறிவு....

அன்புடன்=நா.சதிஷ்குமார்.....


HARI HARA NARAYANAN.V 05-November-11 10:26 PM

சந்தனம் மணக்கும் என்றேன்..!

சந்திரன் அழகு என்றேன்..!

இசையும் இனிமை என்றேன்..!

இயல்பு நவிற்சி அணி போலே

இயல்பு குணம் அவர் அழகு -

சிந்திக்கத் தெரிந்தவர்....

சிறப்புக் குணம் படைத்தவர்...

எழுதினால் இடம் போதாது

இத்தோடு முடிக்கின்றேன்...!

நன்றி சதீஷ் அன்புடன் ஹரிஹரன்


HARI HARA NARAYANAN.V 05-November-11 7:49 PM

அ முதல் அக் வரை உயிர் எழுத்து..!

அதுபோல் இக்கவிதை

என் உயிர்த் தோழி வளர்மதிக்காக...!

அன்புடன் ஹரிஹரன்