மண்டியிடுகிறேன்
சமயங்கள்
சலனப்பட வைத்த போதும்
சபதங்கள் -மீண்டும்
புதுப்பிக்கப் படுகிறது .
இதயம் இடத்தை விட்டு
நழுவிவிட எத்தனிக்கும் போது
உறவுகளால் -உணர்வுகள்
மட்டம்தட்டப் படுகிறது
சுயநலங்கள் சில வேளை
விஸ்வரூபம் எடுக்கும் போது
சிந்திக்கும் திறன்
திராணியற்றுப் போகிறது
விதியென்று என்னை நோவதா
விதித்தவன் உன்னை நோவதா
படைத்தவன் உன் மேல்
பிரித்தறியத் தெரியாத கோபம்
இறைவா !!!என்னை மன்னித்து விடு ..
