விளைநிலம்
பல்லடுக்கு இதழ்கள்
அதனுள் அமர ஏதுவாயொரு
நீண்டநெடிய மகரந்தம்...
அதுவே பூச்சிகளின் சிம்மாசனம்!
தேனெடுக்கும் சாக்கில்
மகரந்த சேர்க்கையினூடே
அச்செடியின்
அடுத்த தலைமுறைக்கு
வித்திடுகிறது
தன்னலத்திலும், செடியின் நலம் பேணும்
குறையறிவு கும்பிகள்!
ஆனால்
ஆறறிவு அம்பிகள்
துடிக்கின்றனர்
அந்த பூச்சிகளைக் கொள்ள
விளைவு-
மகசூல் மறக்கின்றன செடிகள்
மலடென்று முத்திரையிட்டு
விளைநிலம் விலையாகிறது
உணவு கேள்விக்கு உரியதாகிறது!!
