யோசித்து பேசு

எடுத்து சொல்ல நாவு உண்டு,
சொல்ல வேற வார்த்தை இல்லை,
வார்த்தையின் அர்த்தம் தேட,
என்னிடத்தில் ஓர் அகராதி இல்லை......

சொல்ல என்றும் தேவை இல்லை,
வயது என்னும் வாழ்வின் எல்லை,
நாவு கூட வாழ்த்து சொல்லும்,
நீ சொன்ன நல்ல வார்த்தைக்காக ......

பேசும் முன்னால், யோசி நன்றாய்,
யோசனை என்றும் வெற்றி தருமே,
வெற்றி என்னும் பரிசை பெற்று,
வெல்ல வேண்டும் அனைவர் மனதை.....

பேசிய பின் யோசிக்காதே,
யோசிப்பது பயன் இல்லையே,
பேசியது தவறானால்,
அதுவும் கூட நோவின் வலியே......

வார்த்தை என்னும் ஆயுதம் கொண்டு,
வெல்ல வேண்டும் மனங்களையே,
என்றும் யோசி பேசும் முன்னால்,
வாழ்க்கை என்றும் செழித்து ஓங்கும்......