சென்ரியு-சிவநாதன்
மேசைமேல் கண்ணைக் கவரும் வாசகம்
"கை நீட்டி லஞ்சம் வாங்காதே"
அதிகாரி காலடியில் கோவில் உண்டியல்.
**********************************************************
கூர்க்கா சுகவீன விடுமுறையில்
வாயிலில் மேலதிக நேரக் கடமையில்
நன்றியுள்ள நாய்.
************************************************************
கட் அவுட் பாலாபிஷேகத்தில்
கால் இடறி விழுந்து இறந்த ரசிகருக்கு
நடிகர் கொடுத்தது ட்வீட்டரில் அஞ்சலி
**************************************************************
தலைவர் நாட்டுக்காக உண்ணாவிரதம்
கையோடு பையில் ஒளிந்திருக்கிறது
தாகம் தணிக்க திராட்சைச் சாறு
************************************************************
குலுங்கி குலுங்கிச் சிரித்து
மருமகளைக் கடுப்பேத்துகிறது
மாமியார் இடுப்பில் சாவிக் கொத்து
*************************************************************
"உங்கள் வாக்கு எங்களுக்கே
(ச)சுத்தமாகப் போடுங்கள்"
பொதுக் கழிப்பறையில் புதுவாசகம்
*****************************************************************
