மழையே மழையே வா வா
மழையே மழையே வா வா
மண்ணில் இன்பம் தா தா
துளிகள் நிலத்தை தொட்டதும்
தூய மண்ணின் வாசனை
எழுந்து எங்கும் பரவுமே
இழுத்து முகர்ந்து ஆடுவோம்
சடசட சடசட வென்றே
சதம் போட்டு பெய்கையில்
படபட படபட வென்றே
பறந்து நாங்கள் ஆடுவோம்
மேகம் நிறைந்த வானுக்கு
முகத்தை நிமிர்த்தி காட்டுவோம்
தேகம் முழுக்க நனையவே
தெருவில் குதித்து ஆடுவோம்
தத்தி ஓடும் நீரெல்லாம்
தாவி பெருகும் திசையிலே
கத்தி கப்பல் ஓட்டியே
களித்து மகிழ்ந்து ஆடுவோம்
இலையின் நேரும் சிதறவே
இனிய மரத்தை உலுக்கியே
தலைகள் நனையச் செய்குவோம்
துள்ளிச் சிரித்து ஆடுவோம்
மழையே மழையே வா வா
மண்ணில் இன்பம் தா தா
