பாலுமகேந்திரா – வண்ணத்திரைச் சிற்பி
காட்சிகளை,
நிழலான புகைப்படக் கருவியால்
நிஜமான கவிதைகளாக்கியவர்.
அழகுக்கான
புது இலக்கணத்தை
அடுத்தடுத்துக் காட்டியவர்.
ஆரவாரமில்லாமல்
புயலை உருவாக்கி
அமைதியாய் வலம் வந்தவர்.
அறிமுகங்கள் எல்லாம்
அனுபவம் பெறுமளவு
படைப்புகள் காவியங்கள் ஆனது.
ஒளிப்பதிவும்,
உழைப்பின் பதிவும்
உயரத்திற்குக் கொண்டு போனது.
தேசிய விருது
தேடி வந்ததால்
தன்னைப் புடம் போட்டுக் கொண்டது.
’நெல்லால்’ விளைந்தவர்,
நிறைவாய்த் ‘தலைமுறைகள்’
வளர்ச்சிக்கு வழிகாட்டியவர்.
