விழித்துக் கொள் பெண்ணே

தாயின் தண்ணீர்குடத்தைக் உடைத்துக் கொண்டுதானே
நீ இந்த மண்ணில் பிறந்தாய்
பின்பு
ஏன் பிறந்தபின் அந்த வேகத்தை அப்படியே மறந்துவிட்டாய்?

பெண்ணே நீ அரைத்தஇட்லி மாவு கூட பொங்குகிறதே,
ஏன் நம்மால் பொங்க முடிவில்லை?
நமது மனத்தின் சோர்வா அல்லது உடலின் அமைப்பா?...

ஓ... இல்லை... நமது மனது வலிமையை பிறந்தபோதே
தொப்புள் கொடி போல் அறுத்து எரிந்துவிட்டார்களா
இந்த மானிட பதர்கள்.

பதில் சொல்
நல்ல வேளை கண்ணகி இந்த காலத்தில் வாழவில்லை..
இல்லையென்றால் உலகில்நடக்கும் உணர்ச்சி போராட்டங்களுக்குத் தினம் தினம்
தீ வைத்திருப்பாள்..

வேண்டாம்.. தயவுசெய்து விழித்து கொள்..
கத்தி போல் புத்தியை தீட்டு..
உன் தலையெழுத்தை நீயே மாற்று...