எதற்காகக் கோபித்தோம்,

எதற்காகக் கோபித்தோம்,
ஏன் கோபித்தோம்,
எந்த இடத்தில் கோபித்தோம்,
எத்தனை நாளாய் கோபித்தோம்,

எந்த நேரத்தில் கோபித்தோம்,
யார் மீது கோபித்தோம்,
எது பிடிக்காமல் கோபித்தோம்,
அந்தக் கோபமும் தீருமோ,

காரணமும் நிற்குமோ,
இல்லை நீர்த்துப் போய் விடுமோ,
அர்த்தமில்லாக் கோபம்,
நேற்றைய கோபம்,

பார்ப்பவருக்கு கேலி,
சீண்டிப் பார்க்க,சொல்பவருக்கு
விளையாட்டு,
கோபத்தைக் காட்டுபவருக்கு,

தான் ரொம்ப உசத்தி,
தான் செய்வதுதான் சரி,
கோபத்தை வாங்கிக் கொள்பவர்,
மனம் புண் படுமே என்று பார்க்க மாட்டார்!