தொலைந்து போ மனமே
நில்லாமலோடும் எந்திர வாழ்வை
நிறுத்தி விட்டு நித்தம் தொலைந்துபார்.
எங்குமிருக்கும் காற்றிலே தொலைந்துபோ
உலகம் சுற்றி வரலாம் நீ!
மணம்பரப்பும் மலரில் தொலைந்துபோ
உன்னையும் நுகர ஓர் கூட்டம்!
குழந்தை மழலையில் தொலைந்துபோ
அன்னையர்கள் ரசிக்கும் மொழி நீ!
கடல் நீரில் தொலைந்துபோ
நீர் ஜீவராசிகளின் உறைவிடம் நீ!
விண் வீதியில் தொலைந்துபோ
உலகத்தின் ஒரே கூரை நீ!
தொலைய கற்றுக் கொள்
தொலைத்து விடாதே உன் வாழ்க்கையை
வாழ்வது ஒருமுறைதான்
வாழ்ந்துவிட்டு தொலைதூரம் போ!!!
