இடி - கே-எஸ்-கலை
செருப்பாலடித்தும்....
மூத்திரமடித்தும்
சாதித்துவிட்டார்கள்....
இவர்கள்
தன்னிகரற்றவர்கள் என்று !
மூளையெல்லாம் ரோகமும்...
நரம்பெல்லாம் காமமும்
நிரப்பித் திரியுமிந்த கூடுகள்...
அநியாயத்தை எதிர்த்தவனை
அநியாயமாய் எதிர்ப்பது
நியாயமான அநியாயம் !
இருண்டு கிடந்தபோது
வெகுண்டெழுந்து வேர்பரப்பி
சதியறுத்து சாதியறுத்து
மதமறுத்து மடமறுத்து
விளக்கு வைத்த
மேதைக்கா செருப்படி?
ஐயகோ...
இந்த விலங்கினங்கள்
ஆகாதா உருப்படி ?
திறந்த மார்புகளோடு
தேவரடியாட்களாய் திரிந்த
அடிமைநிலை அழிய
துணிந்த பெருந்தகையை
ஆபாசம் செய்யுமிவர்....
ஆபாச உறுப்புகள் உரசியதால்
உயிர்பெற்ற அசிங்கப் பிறப்புகள் !
கல்லுக்கும் மரத்துக்கும்
சந்தனமும் பாலுமூற்றி
காடைத்தனம் புரியுமிந்த
காட்டுப் பூச்சிகளின்
மூத்திரத்தைப் பீய்ச்சியடித்தால்...
காலத்தை வென்றவனை
களங்கம் செய்துவிடலாம் என்று
கற்பனை செய்கிறார்கள் !
அட்டூழியங்களுக்கு எதிராக
நெஞ்சை நிமிர்த்தி போராடியவன்
வெண்தாடி....!
இன்று - அவனை எதிர்த்து
.............................. நிமிர்த்தி
தள்ளாடுகிறான் கூத்தாடி !
வரலாறு தெரியாது
தகராறு புரியும்...
கடமைகள் தெரியாது
மடமையில் திரியும்....
வரைமுறைகள் அறியாது
வன்முறையில் அலையும்...
கயவர் கூட்டமிது
காறி உமிழுங்கள்....!
விவேகானந்தரை
பரிகாசம் செய்யாதிருக்க
பகுத்தறிவு வேண்டும் !
பெரியாரை
பரிகாசம் செய்யாதிருக்க
“கொஞ்சம்” அறிவிருந்தால் போதும் !
சரிதானே...
எந்த அட்டைகளுக்கு தான்
மெத்தைப் பிடித்திருந்தது ?
