கொஞ்சம் அவகாசம் கொடு
கொஞ்சம் அவகாசம் கொடு.
வாழத் தூண்டும் நம்பிக்கைகளை...
அதை விதைக்கும் உன் பேனாவை...
வெற்றியின் பிரார்த்தனை வழிகளை...
அன்பின் கரம் ஊறும் தடத்தை...
அமைதியின் கரை நோக்கி நகரும் அலைகளை ...
ஒரு கனவின் இறுதியை...
என் வீடு வரை சேர்க்கும்
உன் பிரியத்தின் மணல் துகளை...
ஒத்திப் போடும் என் பாலையிலிருந்து விலக...
உன் பனித்தீவில் கொஞ்சம் இடம் வேண்டும்.
கொஞ்சம் அவகாசம் கொடு.
